كل الكلام كان منطقي مرفوض تماماً مبدأك ومفيش أدلة أنك جدع م أنت اللي حسيت الألم
وصرخت من أول قلم
يوم لما جاتلك تشتكي
أزاي عاوزها تصدقك
وتقوم ف حضنك ترتمي
حرر دماغك م الخيال
يابن الذينَ تواتروا
ع الضعف والقلب العليل
يا منّ أراَد المستّحيل
فكان أبخل من بذّل
مضورب بيخبتك ميت مثل
رجليك ياريت متمدهاش برة اللحاف
كون زي أطرش وسط زفـــة
ونام وخاف وماتدعيش المعجزة
كل الأدلة مجرماك ومحرماك
ومسلماك ومعلماك ضعف الآيمان
عندك دفــــاع. …. تقدر تبان ؟
تقدر تخبط ع الببان وتقول أنا
ندهت عليك ما سمعتهاش
وعملت من بنها العسل ما نصفتهاش
حنيت لإيه بعد الفراق والأنسحاب ؟
وجاي بتتمخض مشاعر فيها شك
أرحل بقى ما تكونش مصدر للشقى
وتعيد نزيف كل السكك
خليها ساكه وسك بابك بالسكوت
موت ألف مرة أشمعنى هي حنين تموت
موت كالذي عطشان وشاف البحر
في سراب النهار قرب عشان يشرب تعب
السلب بعد الود فيه حبـــــــة وجع
