قصيدة بقولك ايه شعر د / عبد اللطيف عاشور

هو :
باقولك ايه؟
تجيش ناخدك..
ونطلع فوق..
ندور ..
ف السما..
مره..
نطير ..ونتوه
أجيبلك ..
م السما نجمه..
ننام ..و نفوق..
ونصحى ..نلاقى
دنيتنا..
غبار محروق..
….
……..
هى:
بأقولك ايه…
حبيبى انت جوايا ..
غرام مقتول..
يعذبنى ..ويغضبنى ..
و يشنقنى ..
كل ده وارد ..
لكنى ف يوم ..
ما هارجعلك..
الكل بقى عارف ..
بحبك ليه..
بحبك ..
وانت جوايا ..
وبرايا كلام مفضوح..
و ابويا وكل اصحابى…
مانعينى…
أقول وابوح…
حبيبى …
انت لك قلبى…
ولو صادقه …
هقول الروح…

لكنى يا حته من قلبى ..
خلاص كتبوا كتابى… خلاص..
و طالعه م النجمه …
على بيتى ..
و من غيرك هاكون زوجه..
لزوج معتوه …
كل أوصافه …
معاه قرشين…
…….
………
هو:
بأقولك ..ليه؟
تفوتينى ..على حالى ..
كطير مدبوح..؟
وانا قلبى ..
كسير مجروح..
تعالى …
بس فيه مخرج …
يعزى الرو ح..
هنهرب للسما العاليه..
بليل كالح..
جميل طارح…
زتون ونخيل…
بجنه عرضها جنات..
و ارض تطرح …
غصون خضرا ..
وورد عنابى…
ما هو يا …
ساكنه جوايا ….
يا ساكنه الأرض..
على طولى …..هاعيش …
بالعرض…
وهتعيشى كمان بالعرض…
في حالة إن يقولوا لي
جوازك فرض
جوازك …..فرض……
جوازك فرض…..
جوازك فرض…..