ولد بيحرجم النخله
وواد بيحرجم النخله
وواد تانى
واقف بيحرجم النخله
يروحوا عيال
وييجوا عيال
وتعلى النخله وبلحها
ماعمر الطوب يوقعها
تهادى تراضى شىء عادى
لان النخله م الوادى
وخيرها يصب ف بلادى
اللى مش عادى
ولد اكتع
مالوش حيله
فضل يملى كتير احجار
تمر وثمار
وعبى وشال
وقال انا خلاص
بقى عندى
حوالى شوال
يكفينى وبقيت خيال
ماعدت احتاج الى النخله
وجاب الفاس
وقال انا هاقطع النخله
حجر م اللى رماه الواد
ف قلب النخله كان متحاش
مابين لجريد وقع ع الايد
قطع يد الولد
والفاس
وقع على رجله وقطعها
وياولداه
قعد يبكى وطاح ع الارض
ودمه ساح
بطول مع عرض
رمت له النخله من تانى
بلح اصفر
بلح احمر
اكل لكنه ماقدرش يقوم م النوم
يشيل ف هموم
داعمره دوم
اذا قام من وقعته يمكن
يعود تانى
ويرمى الطوب
وبالمقلوب
هاتديله
لان النخله ماتملك
غير انى بذوق
تهادى الكل ف تمرها