آخر الأخبار
وبتنطلق يابكره الشاعر السكندرى / احمد عواد
وبتنطلق
يابكره م الاذاعات
ابيض
بلون الليل فى بارات الهرم
مسموح يابكره
مضاجعتك
مسموح بانك تحترف
نومك
على ابواب البارات باالليل
ويلونوك
علشان محدش يشتكيك
مع ان تصريحك
اكيد
دولى
ومدفوع باالريال والين
ويغنوا ليك
(يابكره
ياابو الضى
ياابن النهار الجى
الشمس ليه
بتطلقك وبتطلب النفقه
مش كانت العصمه
ف ايديك)
وبتنطرد
يابكره م البار
للاوض
تسقط يابكره
ع السرير
من بين رجول الرقاصات
همدان
تنام
