هو انتي ليه مبتتنسيش
رغم أني بهرب م الاغاني وم الأماكن والسحاب
رغم أني ببعد عن مكاني وعن زماني وحب غاب
مش بفكر لحظة أروح لمكان جمعنا
مش بعيد ف كلام كتبته ف يوم وساعنا
بس الحقيقة أن الدقيقة بينا كات عمر لبشر
ازاي يكون نسياني حاجه راح تمنع قدر
وف كل لحظة بشتهي للمسة اديكي
دنا كل حاجه بشوفها كنت بشوفها بس بنور عنيكي
معنى السؤال موال ورافض اني أعيش
طول مانتي جرح وحب عمر ميتنسيش
هو انتي ليه. ….مبتتنسيش
رافض اشوفك وانتي اصلا جوا مني
وف وقت نوم قلبك بيسأل برده عني
توأم بيتنفس غرام عاشق هيام سنك وسني
إحساس وفارض سطوته رغم أني عارف رقته
وحاجات كتير مقدرش اقولها غير لقلبك
وحاجات كتير جوايا لكن صدقي متصدقيش
هو انتي ليه. …مبتتنسيش
رغم أني بعدك كل يوم بعرف بنات
بغلط باسمك واتكسف وامشي ف سكات
وف مرة واحده قالتلي إني قلبي ماااات
مدفون في قلب حبيبة يعني ملوش يعيش
دلوقتي بس عرفت ليه حبك غريب مبيتنسيش
وعشان تعود الروح لروح فارقت حياه
لازم يكون عمر اللؤقا أطول كتير مبينتهيش
هو انتي ليه مبتتنسيش
