على كف الأمل
عيون الفجر سهرانة
بتتهجا معانا النور
وشمس الحب ويانا
ما تيجي نعيدها م الاول
قبل الحُب ف قلوبنا لتلج يتحول
والنبض وكل شوارعه تتسوِّل
وأشواقنا تِمد الخطوة واتطوِّل
في عزِّ البرد عشقي لك صفيح ساخن
وتتبدل في السما الأمطار
وتتحول لشوق جبار
يزلزل كل أركاني
إكمن هواك بين الضلوع ساكن
ولسه بنكابر
وبنرسم الضحكة
بالوشوش تجاعيد
الصورة فيها بهتانة
والفرحة ف عنيها حيرانة
وقلوب عجِّزِت بدري
من قسوة التنهيد
……
شعر : سميحه ابو حسين
سوهاج أخميم