شعر : إيزيس غانم
جرحتك ..ومش عارفه اطبب جرحك المفتوح
كأنى بسن سكينتى …دبحت ..جوه منى الروح
فحاسبنى وعاتبنى وخلى صرختك سكين…
سكوتك …موّت الفرحه…وموّت دمى ف الشرايين!!
فعود بيا…لابتسام روحك ياأجمل روح يانور العين
وسامحنى ..وخلينى..أداوى جرحك المفتوح…!!
**********)******************)**********
خيولى ف ملعبين عينك …خيول جامحه!!!
تخطى موانع الأحزان عشان تهديلك الفرحه..!
خيولى ف الحروب جارحه..صهيلها رماح
وبحر غضوب ..وموج عاتى…
لكين على بابك المجروح…تهدّى الخطوه ..وتتاتى!!
فعود بيا لابتسام روحك يا أجمل روح…
جرحتك …بس صاب جرحك ..جوه منى الروح..
فسامحنى ..وخلينى …أداوى جرحك المفتوح..
**********)***********)**********
أنا عارفه انى نور عينك وروح قلبك..
لكين انت اللى قستنى ف لحظة ..مبتديت عندك
ركبت حصانك المجنون ..وصابتنى سهام غضبك
فكنت الجارح الأول ومن جرحى..فتحت ف مهجتك جرحك!!
فسامحنى ياروح الروح يانور العين
وخدنى ف حضنك الدافى ..نداوى ..بالدفا جرحين…